影片
更多
2019-11-18
54 瀏覽
回到味來好似Kinder奇趣蛋咁，一次過滿足你三個願望。有雞煲，有串燒，仲有得打邊爐，重點所以野都係任食❗❗❗係呀，你無睇錯，係任食，連雞煲都係任食。可能我食得野少，孤陋寡聞，我真係第一次見到有任食雞煲，通常都係食完一隻雞，加湯先再打邊爐，所以呢度都好驚喜店舖比較細，不過樓上舖其實都算係咁架啦。我地3個人去，叫咗個$188餐。加多$60可以叫海鮮串燒，不過我地個重點係想食雞煲，所以無加到。除左出面個雪櫃有啲罐裝飲品外，佢地都仲有好多款台式飲品。我試左杯冬瓜爆谷茶，嚟到個時我仲係度諗緊啲爆谷去晒邊，不過飲咗啖之後迷底就解開了。杯飲品除咗有冬瓜味之外，仲有焦糖爆谷嘅味道，其實都幾特別，不過甜咗少少姐。主食有3款揀：魔鬼雞煲，黃燜雞煲同卜卜蜆。因為有朋友唔食辣所以叫咗黃燜雞。佢地一開始上錯咗辣雞比我地，我地食咗一舊先發現，同職員講嗰時佢地都好好禮貌講唔好意思，仲好快速咁比返黃雞我地。不過試咗舊辣雞，好好食，下次會叫可以魔鬼雞食。個黃燜雞都好好食，啲雞好入味，肉又滑，啲汁又，好似有啲麵豉嘅味道(?)真係食唔出。串燒都有好多野選擇。開始個時唔個佢一串有幾多所以都寫1，然後發現1真係代表1舊(菜係
店舖比較細，不過樓上舖其實都算係咁架啦。我地3個人去，叫咗個$188餐。加多$60可以叫海鮮串燒，不過我地個重點係想食雞煲，所以無加到。
除左出面個雪櫃有啲罐裝飲品外，佢地都仲有好多款台式飲品。我試左杯冬瓜爆谷茶，嚟到個時我仲係度諗緊啲爆谷去晒邊，不過飲咗啖之後迷底就解開了。杯飲品除咗有冬瓜味之外，仲有焦糖爆谷嘅味道，其實都幾特別，不過甜咗少少姐。
主食有3款揀：魔鬼雞煲，黃燜雞煲同卜卜蜆。因為有朋友唔食辣所以叫咗黃燜雞。佢地一開始上錯咗辣雞比我地，我地食咗一舊先發現，同職員講嗰時佢地都好好禮貌講唔好意思，仲好快速咁比返黃雞我地。不過試咗舊辣雞，好好食，下次會叫可以魔鬼雞食。個黃燜雞都好好食，啲雞好入味，肉又滑，啲汁又，好似有啲麵豉嘅味道(?)真係食唔出。
串燒都有好多野選擇。開始個時唔個佢一串有幾多所以都寫1，然後發現1真係代表1舊(菜係一片🤣)有啲小形啲可能會有兩舊，最叻係雞腎，有一好多粒。其實我覺得咁樣幾好，因為有時真係想食又食唔到咁多，佢一兩粒咁比可以就到，唔洗浪費。啲串熱辣辣上枱真係正，味道啱啱好，唔會好似一啲其他串燒店咁狂灑啲調味粉上去。串燒有的選擇辣同唔辣，因為無食到辣所以講唔到比大家知。
個邊爐有幾款湯底比你揀，我地揀左個黃金南瓜蜆湯，呢個湯底好清甜每張枱都要送碟牛頸脊，痴線架，佢好好食，肉味好燶，差啲想問可唔可以加錢要多碟。打邊爐嘅其他配料可以係出面任攞，出面幾多野揀，有肉，菜，瓜，豬紅，丸，餃，魚，炸魚皮，響鈴，等等，會不停添加。
我地有問職員食完雞，打完邊爐可唔可以叫返雞，佢地話ok，不過唔可以再叫返邊爐，因為湯底只會比一次。本身諗住再叫多轉雞，不過實在太飽啦，所以放棄左。下次會叫可以食辣嘅朋友嚟食佢個魔鬼雞煲。
張貼
