Kuro Shabu (已結業)

和牛 Shabu Shabu 繼東京之後係香港再食，但質素不比日本差哦。星期五happy Friday 特地搵和牛黎獎勵自己，係6個餐入面選左 A4 黑毛和牛特選套餐，點解係呢款呢，因為 omakase 有好多肉，而且仲有 A5 和牛，我一個人真係好難食得晒，A4 質素已經好好岩晒女仔食。首先會俾個昆布湯底，一人鍋，自在地食火鍋，今日既特選牛肉係牛小排同牛柳，基本上3至5秒食得，牛小排大塊啲而且雪花分明比較肥美甘香，入口即溶。牛柳可以三秒即起，嫩滑無比。個人中意點柚子醋，解油膩. 蔬菜盤好新鮮，唔使點醬都好清甜。尤其中意皇帝菜，味道獨特。豆腐亦食到滿口豆香，中意清淡既朋友真要試下。除左日本米飯，其實可以轉自家製烏冬，彈牙而且軟硬適中，係其他地方食唔到呢種口感，建議轉叫。最後用左支烏龍茶同抹茶雪糕作結，唔太甜，完美。