皇室甜品 (城南道)

營業中

休息中

由開張已幫襯到而家都有4-5年，其實都會去食其他甜品店，但間中都要返來，完全係因為呢度獨有嘅＂龍珠2世＂~~芒果底唔會得個甜字，最難得係加埋新鮮原粒龍眼肉，值得一讚佢真係用黑珍珠，並非普通舖頭用＂青蛙下蛋＂當珍珠，佢個朱古力雪糕係特登搵朋友幫佢做嘅，濃而不甜仲有朱古力粒~~~整個配搭清甜有咬口仲要有雪糕，滿足味覺同口感。但要一提4-9月最好食，因為芒果同龍眼當灶，冬天去有時芒果比較酸，如果唔好彩龍眼會無貨要用椰果代替，整個味覺口感都會差好遠。