第一腸粉專賣店

營業中

休息中

好耐無食過好食既腸粉，今日行開金魚街買魚，經過太子砵蘭街呢間 — 第一腸粉專門店，仲好似曾經攞過米芝連，見午餐時間就入去試下。舖頭唔算太大，攞左幾張圓枱，都幾有歷史感！招牌第一腸粉（$27）叫得第一當然要試過，餡料有菜甫、豬肉燥、蔥蒜，比較特別同少見，食落主要係菜甫既咸同爽脆既口感，夾埋肉燥既油分食落都幾順滑，加埋腸粉豉油比較岩重口味人士。薑汁豬潤拉腸（$27）豬膶既量都幾多，細細舊幾嫩唔乾柴，夾埋薑絲感覺好暖胃養生，腸粉皮算香同軟滑但比較厚，食完一碟都幾飽！