麥文記麵家

營業中

休息中

好多人嚟食麥文記都係食佢哋嘅雲吞面 當然佢哋嘅雲吞同面真係好好食😋但係其實佢哋嘅豬手同埋牛腩都好正 由於一碗雲吞麵真係唔夠飽 所以多數都係叫豬手撈麵或者牛腩撈麵 另外再要一碗淨雲吞 咁樣食先至夠飽肚 撈麵仲會多一碗湯可以飲😂佢哋啲湯真係飲完唔會口渴雲吞麵有幾好食應該都唔需要我介紹 咁就講吓佢哋嘅豬手同牛腩 南乳豬手炆到又林又滑 好香南乳味 柱候牛腩而家好似越來越少地方有得食 唔知點解會咁 佢哋嘅柱候牛腩仲會有埋牛筋 牛筋林滑 牛腩又唔會好老 豬手同牛腩撈麵 真係呢度先食到咁好味😋