樂舍 (已結業)

長長的lunch time當然要食好野，黎到呢間餐廳感覺好日式，環境好大，座位都有一定距離，唔會同其他人坐到好埋，每枱都會有一個屏風，私隱度高！而餐廳門外都有小心思，放d糖果可以比人食完後解解油膩！每個石燒套餐都會包左湯，沙律同飯，絕對夠食！今次選左200g澳洲牛西冷，再另外加左個鵝肝同虎蝦！西冷肉質都唔錯，坑紋好靚，但可能切得有d薄，放係石燒上好快就熟透，建議一上枱就拎起塊牛肉，再切開擺上去燒！而鵝肝有驚喜，入口即溶，一d都唔腥！而虎蝦一食落口感覺好新鮮彈牙，推介推介！飲品叫左清新檸檬柚子梳打，好fresh好解渴！