Gusto - Taste Italian (已結業)

每次出親尖沙咀依個地鐵站出口都一定會經過嘅意大利餐廳，真係經過無數次，今次朋友約我嚟坐低食嘢真係第一次。New Zealand lamb Meat ball skewer紐西蘭羊肉丸串燒 $178上枱嘅時候賣相一流，掛住嘅羊肉串嘅肉汁一滴一滴咁流落下面嘅沙律度。羊肉丸非常嘢未，仲要有啲羊羶味。另外配埋底盤嘅沙律，羶得嚟又有清新味道😋唔會太膩。Whole Boston Lobster波士頓原隻龍蝦薄餅 $288Pizza原隻龍蝦賣相非常吸引，醬汁有濃郁龍蝦🦞味道，Pizza餅底邊做得脆卜卜。亦都唔可以唔提，就係每一塊嘅Pizza都會有一嚿龍蝦肉😋😂，尤其係個蝦頭，黑頭嘅蝦膏配埋Pizza本身嘅醬汁真係非常特別😋👍。Ice Volcano $88見到呢間舖嘅signature酒精飲品Ice Volcano，除咗用到嘅杯有獨特嘅外型之外，上枱嘅時候侍應點火將酒精獨特嘅味道帶出。杯酒精飲品將成餐晚餐升提唔少感覺👍。