Icecream Brothers (已結業)

最近尼間小店推出咗尼款新product，又唔係太貴，就去食吓啦。牛油曲奇撻，上層係芝士味雪糕，底層可自選雪糕口味搭配，我揀咗朱古力味。第一眼見到我手上個撻嘅賣相，再對照一下官方圖片，真係有啲O咗咀囉......然後笑了 我忍唔住問個女員工點解個賣相會係咁？佢都好唔好意思咁坦白地話我知佢係第一次整尼款撻 又真係嬲佢唔落嘅。其實個撻錯體得嚟都幾爆笑，就當係唯一嘅特別版造型啦！雖然賣相出咗啲意外，但整體尚算不俗 芝士雪糕的芝士味都幾出，配埋雪糕面頭嘅岩鹽，鹹鹹地幾得意，不過雪糕就有少少icy。個撻係翻熱微暖，咬落都算幾鬆脆。