Second Bite Bar & Cafe (紅磡灣中心) (已結業)

同朋友傾開黃埔有啲乜嘢新嘅Cafe好食😋佢就話帶我去一間幾靚嘅Cafe食下午茶🫖環境裝修真係幾靚，幾舒服😌係木系大自然feel為主嗌咗個芋泥爆芝西多士同養生花茶估唔到個炸西多士賣相又幾靚！每一粒吐司磚都炸得勁靚，炸到金黃色，望到都知係脆卜卜！面頭仲有啲黃金醬，真係就咁打卡都好靚！個黃金醬鹹香十足，內餡嘅芋泥好清甜，芋泥味都好出！再加埋啲蜜糖醬一齊食，真係超級惹味😋食西多當然要配返杯花茶嚟解下油膩感，淡淡嘅花香味，都幾清新！