影片
更多
2016-05-15
1803 瀏覽
一間主打手工啤酒的西餐廳, 位於太子同深水埗交界, 以中式的屏障做大門, 令人聯想到食物應該係以中西合壁來烹調...食店入面見到三種不同味道手工啤酒既特大器皿, 分別係Wheat Ale, Amber Ale and American Pale Ale...經店長介紹, 佢地係日前參加過手工啤酒比賽, 經過初賽同決賽後, 順利係多個參賽隊伍中奪得獎項...打開Menu, 大多菜式都以啤酒烹調, 而且價錢中等, 唔係太貴, 熱愛啤酒既朋友, 呢間就岩哂你! 未知係咪食材既存貨量唔多,為既係想keep到所有食材新鮮?某d菜式大機會都出現缺貨...事關當晚我去呢間餐廳只係7點鐘, 所有肉眼扒菜式, 叉燒包同埋豬仔脾都缺貨, 無緣試到我想食既美食....如果想為左去試某d菜式, 入座前就要問清楚夠唔夠食材既量喇....------------------------------【Set Dinner - 手工啤酒-American Pale Ale】Set-dinner 另加HK$38可轉任何手工啤酒一杯,散叫每杯HK$68加一手工啤酒既泡比較少, 而呢款手工啤酒既味道比較濃烈...飲完之後,
食店入面見到三種不同味道手工啤酒既特大器皿, 分別係Wheat Ale, Amber Ale and American Pale Ale...經店長介紹, 佢地係日前參加過手工啤酒比賽, 經過初賽同決賽後, 順利係多個參賽隊伍中奪得獎項...
打開Menu, 大多菜式都以啤酒烹調, 而且價錢中等, 唔係太貴, 熱愛啤酒既朋友, 呢間就岩哂你! 未知係咪食材既存貨量唔多,為既係想keep到所有食材新鮮?某d菜式大機會都出現缺貨...
事關當晚我去呢間餐廳只係7點鐘, 所有肉眼扒菜式, 叉燒包同埋豬仔脾都缺貨, 無緣試到我想食既美食....如果想為左去試某d菜式, 入座前就要問清楚夠唔夠食材既量喇....
------------------------------
【Set Dinner - 手工啤酒-American Pale Ale】Set-dinner 另加HK$38可轉任何手工啤酒一杯,散叫每杯HK$68加一
手工啤酒既泡比較少, 而呢款手工啤酒既味道比較濃烈...飲完之後, 成個口唔會有好臭既啤酒味, 反而有清新既感覺啊...【Set Dinner - 藍莓意大利時令雜菜沙律】
好重藍莓味道既沙律菜------------------【Set Dinner - 真空慢煮火灸三文魚】HK$250 加一
慢煮令三文魚既鮮甜味鎖起, 配上伴碟既咖哩冬陰功喇沙既汁醬, 成件事好似食緊泰國菜咁, 酸酸地, 辣辣地, 幾惹味....------------------------------
【炸黑松露鹽酥雞】HK$68 加一
鹽酥雞食得多,加埋黑松露都係第一次...紫菜包住炸雞炸,意想不到的干身,唔會油淋淋,而且炸雞炸皮好脆,咬落去有聲, 雞肉被炸過後依然keep到鮮嫩肉汁......再配上黑松露醬汁,值得推介!!呢個炸雞配上啤酒的話,一定係絕配!!!
------------------------------
【芝士焗西蘭花】HK$55 加一
以白芝士去焗製西蘭花, 雖然芝士未能做到拉絲, 但芝士算多, 芝士味道似白汁蘑菇湯味, 同出面既芝士味道好唔同, 而西蘭花經焗製過後, 依然都好爽口------------------------------
【鮮蝦春卷 配特製酸辣醬】HK$38 加一
長形春卷包住好爽口既蝦, 啖啖都食到蝦肉, 點埋食店既特製酸辣醬, 酸酸甜甜, 好開胃~------------------------------
【星印泰海鮮意大利飯】HK$88 加一
呢個名堂唔知係咪三地不同既海鮮混合而命名呢? 出產地唔考究, 最緊要係味道! 海鮮既有一隻扇貝+兩隻青口, 同兩隻已剝殼既蝦...配上意大利飯, 令意大利飯味道更為濃郁~------------------------------
【真空慢煮乳酪羊架配雞脾菇】HK$78 加一
羊架一D都唔蘇, 而且生熟程度均一, 羊肉好林, 而且唔"鞋", 一碟有三件....但雞脾菇燒過有D硬~------------------------------
【36小時真空慢煮燒黑啤安格斯牛仔排】HK$128 加一
牛仔排份量比牛仔粒多少少, 肉質好新鮮,而且經過真空慢煮, 能夠鎖起肉汁, 好鮮嫩多汁, 又夠林, 唔錯!------------------------------
【36小時真空慢煮燒安格斯牛仔粒】HK$88 加一
牛仔粒同牛仔排既不同之處係牛仔粒送上檯時, 明顯見到牛肉既面有一d泡泡...而呢d泡泡係黑啤整成, 本身我唔太飲啤酒, 但呢個菜式我都接受到, 唔會有太濃同強烈既酒味~------------------------------
【瘋薯條配自家制黑松露醬】HK$48 加一
炸薯條周圍都可以食到,但呢度既薯條係由三種唔同既薯仔整食,一個價錢,三種味道,再加上紫菜粉,點少少黑松露醬,味道唔錯張貼
