招點薈 (已結業)

都有一段時間冇行玉器市場，呢段時間人流比較少同埋靜，順便食埋飯先至走。餐廳座位唔算多，裝修簡約設計，午餐三個course為主，$78起都唔算貴。今日個餐湯係南瓜忌廉湯，湯底鮮甜，南瓜味濃。普羅旺斯雜菜意大利粉，酸酸地，全素菜，適合素食人士。燒加拿大保濕豬扒，肉質都唔錯亦厚身，唔會太 ‘鞋’，加埋燒汁一起食比較夾。佢哋標榜係得獎嘅美式咖啡，梗係要試吓，果然同普通美式咖啡唔同，有少少層次，亦有一定咖啡味，可能係咁所以得獎。