Maru Maru 丸々 (太古城星輝台） (已改名) 查看

上次試咗六味屋嘅拉麵，今次去隔籬嗰間Maru Maru 丸々試吓日本菜。兩間店嘅風格有啲似，唔知係咪姊妹店。壽喜燒和牛呢個壽喜燒冇配烏冬或者飯，所以如果一個人食份量會唔夠。和牛質素唔錯，不過壽喜燒湯底略嫌過鹹，配菜份量亦唔多。串燒丼有四款串燒，包括牛舌、雞皮、雞肉同埋免治雞肉。牛舌幾出色，軟腍易咬，雞肉同免治雞肉好滑身多汁。雞皮比較差，燒得唔夠乾身，唔夠脆口。玉子燒估唔到玉子燒最有驚喜，一上枱就聞到好香蛋味，玉子燒好軟熟又夠厚身。