幸福駅 (已結業)

同朋友去開深水埗想起之前見網上介紹嘅小店於是去望下小店細細間，但都有幾個位可以坐下睇下menu，以小食為主，有玉子燒，吉列豬扒三文治，炸物，便當等，飲品就有冷泡茶同咖啡類本身想嗌mega size嘅玉子燒，但見人地嗌嘅吉列豬扒三文治🥪都好大份，於是嗌番正常size嘅玉子燒試左先，怕食唔晒“櫻花蝦玉子燒”玉子燒面頭灑滿櫻花蝦，玉子燒燒得剛好，好嫩滑，唔會燒到老晒，而且好香濃嘅蛋味，仲甜甜地，好似食甜蛋咁，而櫻花蝦就帶點鮮同咸咸地，令整個玉子燒味道提升，有點後悔無嗌mega size😋“吉列豬扒三文治”(配吉列汁及芥末醬)，豬扒選用美國豚肉眼，肉質都幾軟腍，唔會炸到乾柴，炸皮都鬆脆，但如果再落身啲會更好，吉列汁不錯，不過咸過濃，整體來說醬汁可以多少少😊“冷泡茶”揀了桂花烏龍茶及玫瑰綠茶，說真的我覺得相比起平時飲的，味道更為突出，茶味亦都突出，桂花同玫瑰味都好香唔假，而且非常清新，配上炸物非常合適，可以減低油膩感同罪惡感😂