美食薈超級街市 (已結業)

行山又再次一等再等，delay 粒幾兩粒鐘己屢見不鮮，救命。再戰玉桂山前醫飽個肚，我唔敢食太多，行行下山如肚痛或想去廁所就好麻煩喇。原來依度係美食廣場黎喎，多間食店但一站式收錢嗎？菜色真係包羅萬有、五光十色，連游水海鮮都有喎﹗不過我這位新界北真係無幾可走到黎港島南呢，無奈。行山團十幾個浩浩蕩蕩坐大檯，一二三四五六七都係沙嗲牛麵，還有幾個食個靚靚海南雞飯先，大家似乎知道要持久戰喎。其實路程不太長，只是計劃等到黃昏先回程啫。突然咁大張單，我地又麻煩，幸好白頭叔叔不慌不忙一一解決，依然保持良好態度，好好啊！太陽蛋沙嗲牛肉出前一丁，即煎太陽蛋暖笠笠，不會凍冰冰油淋淋，蛋白焦香蛋黃甘甜整隻豪氣地啪入口，一氣呵成正到痺。沙嗲牛肉超高質，直迫中菜水平！嫩滑鬆化牛肉片，彈彈不韌充滿肉汁。沙嗲香甜惹味，調得清爽不濁，堅美味！湯底濃濃，讓爽滑麵條撈上沙嗲汁捲著嫩牛齊齊吔，不得了呀﹗最後淋上辣椒油作點綴，香香辣辣，迅間全部消滅，我想食多碗呢﹗