王子廚房 (已搬遷) 新店位置

2個人諗住落街食晚飯，又唔想行太遠又要食得落口之餘又要平平地，就去左附近既王子醫肚。基本上佢每晚餐牌都有少少唔同通常有Ａ－Ｈ餐選擇，９點後去食通常無咩人但有個問題就係通常有3分1以上既餐係賣晒，若７點半去通常要等1-2張。天氣咁凍都唔想飲凍檸T叫杯暖下肚好過。每個晚餐都會送湯，今晚賣剩羅宋湯。味道一般無咩特好飲似罐頭湯。芝士鵝肝燒汁焗牛柳飯－芝士味有少少，唔覺有鵝肝，燒汁反而最多。牛柳好林，咬感口感都唔錯。芝士味再重Ｄ濃Ｄ會較好吃。不過份量比較少，男仔一定唔飽。不過以45蚊晚飯呢個價錢黎講算係咁。叫多左份雞翼，甜甜地，普普通通。