悅素 (已易手) 新餐廳

呢間位於深水埗同太子之間嘅新素食cafe基本上有超過一半面積係陳列咗數以千計嘅figure 玩具，分門別類，目不暇給。最眼當然係等身大細嘅ONE PIECE 路飛（網上資料前身係Toys Cafe ）。但除咗玩具外，素食都好正，九十幾蚊全日餐區內唔算太平，但無論質素或份量都算超值。頭盤地中海沙律，藜麥嘅份量多過好多其他餐廳單叫藜麥沙律，由於素食冇用芝士，但有白珊取代。main dish 係素肉醬蕃茄意粉，蕃茄味道極濃；平價加嘅雪梨汁特飲係自家配方，略甜咗少少冇咗雪梨嘅清甜但都算可口；仲有甜品係果脯奇亞籽。