皇室宴會廳

營業中

休息中

喺樂園玩到攰就梗係搵返間餐廳食Tea啦呢間餐廳設計就係公主城堡嘅宴會廳 由於餐廳環境開放式設計 都幾空曠下 其實會有麻雀不斷喺餐廳嗰度飛來飛去 用浪漫角度去睇就會覺得真係好似去咗公主嘅城堡同小動物相處 但係如果以衛生情況來講呢點就欠奉啦 呢度有港式日式同西式食品選擇我哋叫咗一個西式嘅牛扒套餐同埋一個兒童餐牛扒套餐牛扒都算大塊全熟嘅 係一早已經整好然後保溫 都會俾埋黑椒汁你所以食落去又味道還好 不過唔會期望肉質鮮甜定點 只係一塊普通牛排 唔會鞋已經偷笑🤭 不過黎樂園玩本身對食物質素冇咩期望 都叫食得過 然後陪有大量薯條同豆 都算係營養均衡食得飽嘅一個餐兒童餐食物都幾精美 個飯呢就吸住左米奇老鼠嘅標誌 加埋啲飯素 其實就好似個飯團一樣都唔錯 雞扒細細塊不過配埋個蘑菇汁其實都幾好食 食物都夠亂嘅唔會凍哂 小朋友來講呢個餐都算營養豐富包埋個凍冰冰生果夏天食一流 仲有一個細嘅芝士蛋糕味道正常 不過冇咩驚喜 個餐仲包埋支水 我喺樂園玩到出晒汗 呢一支水就可以補充翻足夠嘅水份繼續之後嘅行程啦🤣溫馨提示： 記得如果有金卡攞出嚟有九折