CAMPSITE (朗豪坊)

營業中

休息中

話說秋高氣爽又係露營嘅季節，但香港天氣仍然唔係打風落雨又係相當炎熱冇秋涼嘅意思。咁去商場嘆住冷氣露營又幾好玩喎！旺角朗豪坊新開咗間露營風主題西餐廳CAMPSITE把戶外樂趣帶入室內大玩豪華露營！有大量木材和綠色植物，非常舒服嘅大自然氣息。燒原條魚 餐廳會先整熟啲野食，店員在我哋隔離搭咗個燒烤架，再模仿豪華營地煮食，由職員即場燒讓比我哋食，仲可以扮燒烤打卡影吓相。魚肉烤到好香，魚肉的質地緊實，魚皮香脆，保留魚肉鮮味。火焰烤啤酒罐雞呢道菜巴閉啦！店員會將成隻雞燒比我哋影相，再拎返廚房幫我哋切件，勁大隻雞，雞皮又薄又脆，雞肉充滿酒香味，估唔到肉質咁嫩滑。烤鯖魚牛油果意大利麵擺盤出色，烤鯖魚帶有濃郁嘅海洋風味而且皮薄脆肉滑。牛油果口感綿密令意粉非常creamy，意粉掛汁彈牙。營火朱古力棉花糖夾餅 玩味十足！第一次燒棉花糖，仲要在商場餐廳燒！燒燒吓著左火😹佢配咗曲奇餅同朱古力醬，燒一吓就夾埋餅食，口感香甜。