影片
更多
2023-10-21
812 瀏覽
Quinary係Asia’s 50 Best Bar 2023 早幾日同朋友行開中環，發現到Quinary就入咗去試，咁啱有張枱唔洗等，但到我地飲完大概21:30就開始多人係門口等，入面有幾張大枱，可以4-5位朋友坐埋一齊，亦設有bar枱，望住調酒師調酒！我同朋友一人叫咗一杯Cocktail同埋一個黑松露薯條~- Earl Grey Caviar Martini - 呢杯cocktail係餐廳其中一款best seller cocktail，當晚都有好多人叫呢杯酒。首先賣相好精緻，有一層泡泡係酒上面，至於味道亦十分有驚喜！👍🏼泡泡係伯爵茶既味道，然後一飲就有甜甜酸酸接骨木花香既vodka味道，每一啖都會食到細細粒既 “caviar”，增加咗cocktail既口感，係一杯充滿玩味風既cocktail。- Oolong Tea Collins cocktail -中意茶香同sparkling既我對於呢杯Oolong Tea Collins cocktail十分滿意。❤️首先一入口有清新烏龍茶味道，然後就感受到soda water既氣泡，最後係有烏梅既味道，雖然佢menu寫有herbal味道，
早幾日同朋友行開中環，發現到Quinary就入咗去試，咁啱有張枱唔洗等，但到我地飲完大概21:30就開始多人係門口等，入面有幾張大枱，可以4-5位朋友坐埋一齊，亦設有bar枱，望住調酒師調酒！我同朋友一人叫咗一杯Cocktail同埋一個黑松露薯條~
- Earl Grey Caviar Martini -
呢杯cocktail係餐廳其中一款best seller cocktail，當晚都有好多人叫呢杯酒。首先賣相好精緻，有一層泡泡係酒上面，至於味道亦十分有驚喜！👍🏼
泡泡係伯爵茶既味道，然後一飲就有甜甜酸酸接骨木花香既vodka味道，每一啖都會食到細細粒既 “caviar”，增加咗cocktail既口感，係一杯充滿玩味風既cocktail。
- Oolong Tea Collins cocktail -
中意茶香同sparkling既我對於呢杯Oolong Tea Collins cocktail十分滿意。❤️
首先一入口有清新烏龍茶味道，然後就感受到soda water既氣泡，最後係有烏梅既味道，雖然佢menu寫有herbal味道，但唔會太濃烈，主要係烏梅散發出嚟既陣陣herbal香。
而且呢杯cocktail係long cocktail，所以酒味相對冇咁濃烈，唔太中意飲濃酒精既可以試下呢杯；相反Earl Grey Caviar Martini因為係martini，可以飲落去酒精味道相對較重，但2款都係好易入口同好飲既cocktail。
- Truffle Fries -
黑松露薯條新鮮炸起，又熱又脆，每條薯條都有黑松露碎，而且附有茄汁同黑松露醬，一份夠2-3個人食，如果再多人啲可以叫burger等其他食物。
張貼
