Tuttimelon (已結業)

已經不止一次聽人講有幾好食&條人龍有幾長云云... 上星期同朋友lunch後專程去朝聖...下午三點幾人都唔少,不過仍然可以輕鬆擠雪糕,只是加配料部份因人多要稍等.任擠任配的後果是要到埋單的時候先知自己"玩"了幾多錢,太貴想返轉頭又唔得,就算貴都要俾...幾種味的雪糕堆埋一齊,唔夠一陣已經開始溶,其實已經分唔出邊隻味. 我揀了原味,荔枝,番石榴,芋頭,士多啤梨,木瓜,桃... 其中印象較深(即好味的)主要有番石榴同木瓜,其他食唔出味道...要讚的反而是topping的選擇真的好多,生果類,脆脆類等等,應有盡有.