KidsKiss Kingdom親子餐廳 (已結業)

今日係我地屋企一個好值得慶祝嘅日子，一於玩盡啲，帶公主去Kids Kiss又玩又食先！個場有幾好玩就唔多講喇，波波池夠大，透明滑梯夠快，又有繩網，仲有彈床添，小朋友開心到跳晒掣好喇講下食物方面喇，我地分別叫咗特濃芝士嫩雞燴飯，雞肉露荀野菌墨西哥卷同埋焗煙肉芝士薯角墨西哥卷入面嘅露荀好鮮，仲有黑松露醬，外皮又香脆，味道好夾好好味煙肉芝士薯角嘅芝士都算多，除咗煙肉，芝士，仲有白汁一齊焗，仲幾脆添嫩雞燴飯就失色少少喇，只係一個普通嘅白汁飯，味道可以嘅，不過就無特別，仲要唔平囉！