影片
更多
2016-07-16
3505 瀏覽
一班朋友收工要放鬆，齊齊落吧飲兩杯。銅鑼灣地方夠就腳，上左Times附近一間酒吧。呢度有好多野玩，篤波，飛鏢等等既遊戲，又有得睇波，真係唔怕會悶親。空肚飲酒我一向唔like，情況就好似黎明既"唔會空肚食早餐"咁。所以先睇睇menu叫d野食下先。French Fries with Truffle Mayo 薯條係我鐘意果隻粗身，炸得夠火候，食唔停口。旁邊同時提供蕃茄醬同埋黑松露醬，"黑松露"未算突出，質感有d似沙律醬。Korean style Fried Chicken With Spring Onion Salad好有驚喜，因為完全唔expect酒吧有呢樣野食。韓式炸雞既味度夠濃，咬落夠腍，而且無骨，一路食一路飲酒一流。Smoked St Louis Style Spare Ribs with French Fries and SaladRibs既份量都幾多，而且肉既部份亦佔ribs中相當份量，唔會食嚟食去得個骨。不過略嫌ribs乾身左少少，但整體唔錯。旁邊仲有沙律同薯條伴碟。Beef and Chicken Skewers with Satay Sauce串燒有雞同牛。自己本身串燒鐘
銅鑼灣地方夠就腳，上左Times附近一間酒吧。
呢度有好多野玩，篤波，飛鏢等等既遊戲，又有得睇波，真係唔怕會悶親。空肚飲酒我一向唔like，情況就好似黎明既"唔會空肚食早餐"咁。所以先睇睇menu叫d野食下先。
French Fries with Truffle Mayo
105 瀏覽
0 讚好
0 留言
薯條係我鐘意果隻粗身，炸得夠火候，食唔停口。旁邊同時提供蕃茄醬同埋黑松露醬，"黑松露"未算突出，質感有d似沙律醬。
Korean style Fried Chicken With Spring Onion Salad
161 瀏覽
0 讚好
0 留言
好有驚喜，因為完全唔expect酒吧有呢樣野食。韓式炸雞既味度夠濃，咬落夠腍，而且無骨，一路食一路飲酒一流。
Smoked St Louis Style Spare Ribs with French Fries and Salad
225 瀏覽
0 讚好
0 留言
Ribs既份量都幾多，而且肉既部份亦佔ribs中相當份量，唔會食嚟食去得個骨。不過略嫌ribs乾身左少少，但整體唔錯。旁邊仲有沙律同薯條伴碟。
Beef and Chicken Skewers with Satay Sauce
92 瀏覽
0 讚好
0 留言
串燒有雞同牛。自己本身串燒鐘意食雞，因為鐘意雞肉夠腍身，呢度都係一樣。反而今次串燒牛好有驚喜，平時食串燒牛好怕牛肉韌，但今次食既牛肉夠腍。串燒既另一個靈魂係沙爹醬，我就鐘意濃味，略嫌沙爹醬未夠濃。
Lychee Valley
92 瀏覽
0 讚好
0 留言
上面綠色下面白色，對比鮮明既 Mocktail。融合左薄荷同埋荔枝味，感覺清新。
Amazing Journey
194 瀏覽
0 讚好
0 留言
一杯綠色既cocktail，係昏暗既燈光下，我見到似夜光既綠色，夠晒夢幻。杯邊同杯中都加有爆炸糖，除左令外觀更吸引，入口更有感覺又更加豐富。
食飽可以開始玩game。
Beer pong其實呢隻game玩落真係唔係太難，但係我知道如果我贏，飲酒既機會係等於0。
再加上我明白"唔怕神一般既對手，最怕豬一般既隊友"呢個道理。所以揀人組隊既時候我已經揀左可以幫到我可以飲酒既隊友。
結果今晚全靠豬一般既隊友，令我目標達成，成功呃左好多酒飲。
張貼
