太興新世代 (已結業)

聰明商人睇準屯門碼頭即將成為跨境口岸, 早於年前已著手豪裝, 近來重開, 並命名為海趣坊. 會否成為新界中港城拭目以待, 但人流已經重新聚焦. 當晚當然就係參觀參觀, 搵食搵食. 不過食肆唔算多, 行到呢度, 南昌分店試過, 亦好自然試埋呢度會又有乜新景象. 覺得太興佢近年, 形象年輕清新大玩fusion 燒味菜式, 好似圖中叉燒焗芝士茄汁飯. 入口西式, 材料中式. 稍稍不慣叉燒帶茄汁味. 但欣賞當中改革. 另外冰鎮奶茶必試, 濃濃滑滑, 冰鎮效果一個好證明. 呢次試唔到八寶鹵味拼盤餐. 留待下回再去.