一起果醬 (已搬遷) 新店位置

嚟到西貢想食個下午茶。見到呢間有自製果醬嘅小店，所以試吓下午茶。見到人哋食評話佢個鬆餅幾好食，所以我就點左一個鬆餅，有得再揀一款佢哋自家製嘅果醬。佢哋好多款果醬，而我選擇嘅係玫瑰蘋果。首先講鬆餅，佢做得非常之有牛油香，而且質感亦都濕潤嘅，唔似有時出邊食嗰啲咁乾。果醬方面，我覺得玫瑰蘋果呢個配搭幾好，真係有玫瑰嘅清香，亦都有蘋果嘅甜。唯一不足之處嘅係，我覺得佢個果醬太甜了，建議可減少甜度。另外聽店員推介，如果想冇咁甜的話，其實可以試吓佢個桂花梨味嘅果醬嘅，可能我下次會試呢個。見到佢有一個set係$49有三個鬆餅加一款果醬同clotted cream，如果多啲人嚟可以一齊share呢個食㗎。最後咖啡嗰邊我就覺得幾失色，唔夠咖啡香。畢竟咖啡唔係呢間鋪嘅主打，我建議大家就唔使叫了。