樓上Cafe

營業中

休息中

大圍有間隱蔽café，在「樓上」店鋪外面，屬於佢哋品牌。食完晏想搵地方同朋友傾計飲杯嘢，朋友就帶我嚟呢度。座位與café有一段距離，空間感強，樓底又高，整個環境令人舒服。除了賣咖啡系列，仲有中式湯和粥賣，當然係佢哋牌子。我要一杯凍玫瑰鮮奶咖啡和一件碧根果百利甜酒司康。凍飲份量充足又夠凍，杯面浮現很多咖啡冰，第一眼看好似軟綿綿嘅果凍，四周散上一小片玫瑰花瓣。咖啡味濃郁又滲出淡淡的玫瑰花味，味覺和嗅覺都得到享受。飲咖啡喜歡配件甜食，碧根果百利甜酒司康，碧根果即係核桃果，司康即係鬆餅，一小件呈三角型，餅面有一粒小核桃，切開一看，裏面也有好多細細核桃粒粒，食時可慢慢咀嚼，餅身十分鬆化，至於甜酒味，我食唔出，不過整件餅食配咖啡嘅味道都唔錯。