影片
更多
2024-02-21
61 瀏覽
啱啱過咗個情人節，同男朋友一齊咗咁多年已經唔想再喺大時大節出去同人迫，但係生活中嘅儀式感都係要有嘅！👩❤️👨所以今日我哋就嚟到大埔呢一間隱世紅房子，品嚐由前文華東方主廚所炮製嘅法式浪漫🌹大餐！ 🍽️餐廳門口用左特製嘅玻璃門，當佢閂門嗰陣時係磨砂，而開門嘅時候，玻璃就會即刻變透明，增加私隱度，餐廳以玫紅色絲絨梳化，配上水晶吊燈，主要係二至四人座位，重有個Bar枱，好有氣氛！焦糖法式燉鵝肝 $ 198 🪿將鵝肝打成蓉，絲嫩幼滑，味道濃郁，以焦糖鋪面，再用火槍燒到外層金黃香脆，最特別嘅係配搭左烤過嘅玫瑰麵包，用花瓣撈埋鵝肝蓉一齊食，味道超夾！而且份量都夠兩個人一齊分享！自家製蟹餅配檸檬忌廉汁 🍋賣相超級靚，以蜂巢為主題，自家製蟹餅入邊釀滿咗蟹肉，紅蘿蔔絲同埋椰菜絲，口感豐富，配上檸檬忌廉醬同埋魚子。泡沬龍蝦湯 $118 🥣龍蝦湯熱辣辣，味道鮮美，拉花好靚，配上香脆嘅蒜蓉包。主菜牛肝菌果仁意粉$238 🍝第一次食意粉係會配上咗唔同嘅果仁，有腰果，夏威夷果仁，合桃等等，同牛肝菌醬汁嘅味道出奇地配合，散發住淡淡嘅果香！威靈頓牛柳 $438 🥩我哋要咗七成熟，外層酥脆嘅麵包皮，包裹住粉嫩，生熟恰到
所以今日我哋就嚟到大埔呢一間隱世紅房子，品嚐由前文華東方主廚所炮製嘅法式浪漫🌹大餐！ 🍽️
餐廳門口用左特製嘅玻璃門，當佢閂門嗰陣時係磨砂，而開門嘅時候，玻璃就會即刻變透明，增加私隱度，餐廳以玫紅色絲絨梳化，配上水晶吊燈，主要係二至四人座位，重有個Bar枱，好有氣氛！
焦糖法式燉鵝肝 $ 198 🪿
將鵝肝打成蓉，絲嫩幼滑，味道濃郁，以焦糖鋪面，再用火槍燒到外層金黃香脆，最特別嘅係配搭左烤過嘅玫瑰麵包，用花瓣撈埋鵝肝蓉一齊食，味道超夾！而且份量都夠兩個人一齊分享！
自家製蟹餅配檸檬忌廉汁 🍋
賣相超級靚，以蜂巢為主題，自家製蟹餅入邊釀滿咗蟹肉，紅蘿蔔絲同埋椰菜絲，口感豐富，配上檸檬忌廉醬同埋魚子。
泡沬龍蝦湯 $118 🥣
龍蝦湯熱辣辣，味道鮮美，拉花好靚，配上香脆嘅蒜蓉包。
主菜
牛肝菌果仁意粉$238 🍝
第一次食意粉係會配上咗唔同嘅果仁，有腰果，夏威夷果仁，合桃等等，同牛肝菌醬汁嘅味道出奇地配合，散發住淡淡嘅果香！
威靈頓牛柳 $438 🥩
我哋要咗七成熟，外層酥脆嘅麵包皮，包裹住粉嫩，生熟恰到好處嘅牛柳，中間釀咗啲蘑菇餡，層次豐富，牛味濃郁
甜品🍧
比利時朱古力心太軟$118
配上咗覆盆子雪葩，同埋各樣鮮果，估唔到可以令到成個甜品冇咁甜。
Rose
荔枝味嘅特調雞尾酒🍸有個波波喺上面，打卡一流！
張貼
