MINH & KOK (已結業)

今次係同朋友第二次來食晚飯。朋友本身有點清癖，喜歡較乾淨的地方食飯，我地又想食東南菜，而呢度又有得book 位喎（加分!)，於是佢提議再次來呢度晚飯。第一次來的感覺，覺得少有有越南餐廳坐得舒服，環境不錯。可惜上次病咗，我只能order 了生牛肉河。朋友來過多次食lunch，而佢必點的是焦糖燒豬肉餅撈檬。雖然上次食唔到，今次我終於可以食返喇！朋友推介果然good。撈檬嘅汁喺粉底，食前要靠自己撈均。本身唔太喜歡食碗粉的撈檬汁落到似湯咁食，這個撈起檬粉只有點濕濕地，酸甜味剛好，我反而覺得不錯。焦糖豬肉餅，頗香而且帶點點豬軟骨似的粒粒，伴上檬粉內的香草令香味更有層次。另order 了軟殼蟹米紙卷。雖然朋友喜歡這個蟹卷的蟹比較多肉，但我感到炸粉較厚，蟹腳有點乾，點了伴汁還是硬硬的。不過，整體還是OK，伴汁亦有別傳統的酸汁而是有點橙橙地類似蜜柑味的醬，都幾特別。整體來說，以銅鑼灣又可以book 位的越南餐廳，是個行街後到此一試的不錯選擇。