紅磡冰室

營業中

休息中

夜晚想搵間餐廳食個飯，路過之前好多人等位嘅冰室，發現今晚竟然無人等位就入去試試！餐牌食物款式多，價錢都可以，就叫左鐵板餐～豬扒，跟薯菜、餐湯同熱奶茶。上菜時間非常快，同快餐店差唔多，餐湯係白湯（好大碗），鐵板亦隨之而來，有一塊豬扒、一條腸仔、一片菠蘿、一棵小唐菜、兩粒車厘茄同一個焗薯！？（上面淋左芝麻醬）整體套餐份量足夠，但配搭有啲奇，薯仔唔似係焗過，似係蒸熟，但用錫紙包住然後𠝹開淋上芝麻醬（莫非驚鐵板會煎熟？）我個人覺得有啲怪，初初以為揀薯菜係薯條🍟，原來係薯仔。而本人最、最、最在意嘅係環境，一坐底就聞到成張枱濕濕地有陣酸醙味，而地上周圍都幾糟，但啲侍應好似好忙，連水都唔得閒比，唯有自己去斟，然後用水加紙巾重新抺一次，先無左果陣臭味，但隨之而來就係啲侍應之間嘅粗言穢語，即刻慶幸好在今日無帶小朋友出黎。大家唔好俾餐廳嘅外表欺騙到，其實入面同大排擋差唔多。