Explorer Fusion Restaurant (已結業)

又黎開沙田呢邊做野，之前試過係第一城河畔個邊度食飯，今次去左石門既Explorer Fusion Restaurant 度試下啲fusion菜。餐廳裝修係走時尚風，佢有西式同日式既餐牌，但我個人比較鍾意西式，所以就叫左個意式蕃茄燴美國牛肋肉條配白飯 (HKD 88)餐湯係羅宋湯，餐飲叫左凍檸檬茶。個羅宋湯幾好味，酸辣度適中，而且都幾夠料，有薯仔同蕃茄，仲有啲香草做伴碟。至於個主食好大份，賣相又唔錯，有唔少既牛肋骨。另外仲有西蘭花同紅蘿蔔添。個牛肋骨好軟熟，啖啖肉唔韌而且味道好好。 個檸檬茶就不過不失。