影片
更多
2023-11-15
41 瀏覽
今日放假，想搵啲好嘢食，去咗荃灣海之戀嘅yadllie plate。入到餐廳，侍應安排咗我哋坐喺卡座。對住好大好高嘅大玻璃，望住出面綠油油景色，心情即刻放鬆左。我哋點咗以下嘅嘢食.生牛肉沙律：唔係每一間韓式食店都有生牛肉沙律嗌。難得呢度有梗係要嗌嚟食吓啦。沙律菜新鮮爽口，車厘茄皮薄多汁，醬汁味道有少少酸酸地，令人胃口大開。生牛肉色澤紅潤，加咗少少調味提升左牛肉味道嘅層次。火炙牛：有驚喜. 原來侍應會喺你面前將生嘅調過味嘅牛肉片用火槍燒下表面。牛肉片有少少焦香嘅味道。而牛肉經過火炙之後都令到牛油溶化。食落林滑易咬有油香。八爪魚煎餅： 唔會好厚粉，邊緣咬落去係脆脆的，八爪魚都多。Yadllie原味炸雞：一客有八件炸雞，佢另外仲配咗炸番薯條。簿簿嘅炸份包裹住炸雞，雞皮炸得好脆但入面仲保持到肉汁，就算連雞胸都係好juice. 原味炸雞冇太多嘅調味，清清地唔會太膩。炸番薯條幾清甜，份量都唔少。玫瑰牛肉炒年糕：芝士做到長拉絲嘅效果！年糕有兩款，一款係薄片的，另一款係小圓柱體的。佢入邊除咗牛肉之外，仲有好多唔同形狀嘅韓式魚蛋。都幾得意。百香果水果茶：覺得自己嗌呢個嘢飲嗌得好好。百香果汁加埋檸檬同茶，
入到餐廳，侍應安排咗我哋坐喺卡座。對住好大好高嘅大玻璃，望住出面綠油油景色，心情即刻放鬆左。
我哋點咗以下嘅嘢食.
生牛肉沙律：唔係每一間韓式食店都有生牛肉沙律嗌。難得呢度有梗係要嗌嚟食吓啦。沙律菜新鮮爽口，車厘茄皮薄多汁，醬汁味道有少少酸酸地，令人胃口大開。生牛肉色澤紅潤，加咗少少調味提升左牛肉味道嘅層次。
火炙牛：有驚喜. 原來侍應會喺你面前將生嘅調過味嘅牛肉片用火槍燒下表面。牛肉片有少少焦香嘅味道。而牛肉經過火炙之後都令到牛油溶化。食落林滑易咬有油香。
八爪魚煎餅： 唔會好厚粉，邊緣咬落去係脆脆的，八爪魚都多。
Yadllie原味炸雞：一客有八件炸雞，佢另外仲配咗炸番薯條。簿簿嘅炸份包裹住炸雞，雞皮炸得好脆但入面仲保持到肉汁，就算連雞胸都係好juice. 原味炸雞冇太多嘅調味，清清地唔會太膩。炸番薯條幾清甜，份量都唔少。
玫瑰牛肉炒年糕：芝士做到長拉絲嘅效果！年糕有兩款，一款係薄片的，另一款係小圓柱體的。佢入邊除咗牛肉之外，仲有好多唔同形狀嘅韓式魚蛋。都幾得意。
百香果水果茶：覺得自己嗌呢個嘢飲嗌得好好。百香果汁加埋檸檬同茶，酸酸地，好消滯。
蜜瓜雪冰：蜜瓜粒有大概10粒，蜜瓜新鮮。綿綿冰入口即溶，唔會太甜。佢仲有一支蜜瓜雪條喺入邊，好滑，有濃濃既蜜瓜。
下次如果同朋友想搵間靜靜哋嘅韓國餐廳食飯，會再嚟呢度。
張貼
