安南 (又一城) (已結業)

喺屋企困得耐真係要出門口抖下氣。行過又一城見到安南環境幾靚幾舒服，套餐又幾抵，300幾蚊二人份，有齊主食、小食、甜品同飲品，二話不說入去試吓🥰不得不讚佢既牛肉湯河粉非常鮮味，朋友點既蟹肉鮮茄湯檬粉唔錯，酸中帶甜，蟹肉份量一啲都唔吝嗇。鹹點既大蝦頭燒得夠惹味，好多膏，其餘既蝦多士、豬頸肉濱海、軟殼蟹米紙卷同牛油雞翼都唔錯！我最愛既甜品方面，佢既焦糖焗蛋有焦糖香，唔會死甜，又多滑。唔好甜既一定要試下個咖啡奶凍，有好香濃嘅咖啡味😚 椰汁糕都唔錯，好煙韌。另外加錢轉左杯青檸沙冰，酸酸地好清爽，夠晒開胃😙呢個套餐真係好抵，我地2個女仔去食差d食唔晒🤣 而家難得先會出街食餐飯，呢間餐廳真係好推介！