Prohibition 扒房．酒吧

營業中

休息中

久違地同男朋友撐枱腳，餐廳係由佢選擇的，佢話之前同屋企人食過真係質素都唔錯，就帶咗我去食。餐廳嘅氛圍都十分好，環境十分舒服，好岩同另一半一齊去食，紀念日都岩！前菜叫咗日本靜岡縣蕃茄沙律，沙律的汁係意大利黑醋汁配上水牛芝士和蕃茄意外地夾，而且真係好開胃和清新。燒海鮮拼盤，呢個係二人的份量會相對比較多但海鮮都幾新鮮的，包括有新鮮龍蝦，珍寶大蝦，北海道帶子和蟹餅。龍蝦同大蝦都係大大隻的，我同男朋友最鐘意係蟹餅特登要配上蕃茜他他醬簡直就係絕配。另外叫咗原條深海龍脷18安士，魚肉十分嫩加埋檸檬牛油汁，酸酸地真係好正。最後有個炒雜菜就不過不失。