影片
更多
2022-08-21
859 瀏覽
放假悠悠閒，坐渡船過愉景灣試下間中茶先，之前在樓下及對面餐廳看到，好似環境唔錯。嚟呢到飲茶，唔知點解一定要事先訂位，walkin就答你冇位訂了1000，但船未到岸，約1020職員打電話嚟查問是否會到(朋友接電話，佢話個職員問得好溫柔 )，最後1030左右到達。其中一位朋友約1100到，在門外聽到有人想入，但職員答冇位。不過由1030到我走時，約1145，都有起碼10張8張枱是冇人的。可能因為疫情，唔招呼咁多枱吧！不過我就覺得人少少好舒服，枱與枱有足夠間隔，地方闊落，加上三邊大大的落地玻璃，令到觀感更加空曠，環境我俾滿分的蒸排骨：味道冇咩特別，不過就冇骨落地，有的都只是軟骨。雞扎：入面有雞肉、魚肚、鮮冬菇，平時一般會有的芋頭則改為义燒。啲料都好好味，但個面的腐皮就差了點，是過了火，老了的腐皮。安格斯牛腸：腸粉做得好好，但牛肉味不足。义燒腸：反而义燒腸內的义燒味道十足，呢到的义燒做得好。菠蘿义燒包：水準之作，內裡的义燒是舊式做法，不會像現在的橙色。百花釀彩椒：蝦肉彈牙，醬汁好味，但煎得唔夠。個汁我個人覺得太多了。燒賣皇：彈牙好味山竹牛肉：都係敗在塊腐皮牡丹粿：頂級的賣相，入面有隻鮑魚仔，有
嚟呢到飲茶，唔知點解一定要事先訂位，walkin就答你冇位
訂了1000，但船未到岸，約1020職員打電話嚟查問是否會到(朋友接電話，佢話個職員問得好溫柔 )，最後1030左右到達。其中一位朋友約1100到，在門外聽到有人想入，但職員答冇位。不過由1030到我走時，約1145，都有起碼10張8張枱是冇人的。
可能因為疫情，唔招呼咁多枱吧！不過我就覺得人少少好舒服，枱與枱有足夠間隔，地方闊落，加上三邊大大的落地玻璃，令到觀感更加空曠，環境我俾滿分的
蒸排骨：味道冇咩特別，不過就冇骨落地，有的都只是軟骨。
雞扎：入面有雞肉、魚肚、鮮冬菇，平時一般會有的芋頭則改為义燒。啲料都好好味，但個面的腐皮就差了點，是過了火，老了的腐皮。
安格斯牛腸：腸粉做得好好，但牛肉味不足。
义燒腸：反而义燒腸內的义燒味道十足，呢到的义燒做得好。
菠蘿义燒包：水準之作，內裡的义燒是舊式做法，不會像現在的橙色。
百花釀彩椒：蝦肉彈牙，醬汁好味，但煎得唔夠。個汁我個人覺得太多了。
燒賣皇：彈牙好味
山竹牛肉：都係敗在塊腐皮
牡丹粿：頂級的賣相，入面有隻鮑魚仔，有幾條魚翅，但食的時候，會覺得個皮太厚了，尤其是個花的位置
值得一到再到的酒樓
張貼
