影片
更多
2022-07-10
49 瀏覽
呢間餐廳嘅前身係一間印度菜餐廳，半年前食過一次， 驚為天人，當時見到餐廳客人寥寥無幾，已經好擔心會做唔住， 但之前因為疫情嚴重冇辦法再次幫襯，終於等到疫情緩和可以encore，卻發現佢好可惜地已經不敵疫情改名易手， 而家除左印度菜， 更加主打既係巴基斯坦菜，反正未試過，一於黎試下。前菜 Appetizer 叫左Dahi Golgappe ($68)， 係一道正宗嘅印度街頭小食，係唯一一樣上一次食過好食而今次易手後仲食得番既食物。佢其實係係一個個細細個嘅油炸球，填上馬鈴薯泥、洋蔥、番茄、豆類等等食材，再加上一啲酸酸甜甜既醬汁同香料，醬汁有啲似酸奶， 食落酸酸甜甜， 口感豐富， 非常非常之開胃， 令人食完一個又一個，停不下來。Barbecue類我地叫左Chicken Malai tikka (10 pieces) $160。 由於佢嘅menu 冇中文冇英文冇圖， 所以我哋其實都唔知係咩黎，只可以叫佢介紹，佢就介紹左呢款。一上菜時我地都不抱期望， 仲有啲肉赤呢道菜價錢最貴，但一食落口，簡直充滿驚喜，唔好睇佢其貌不揚，睇落好乾好柴，一咬落口，juicy到你唔信，真係好嫩滑好嫩滑， 而且每一啖都
前菜 Appetizer 叫左Dahi Golgappe ($68)， 係一道正宗嘅印度街頭小食，係唯一一樣上一次食過好食而今次易手後仲食得番既食物。佢其實係係一個個細細個嘅油炸球，填上馬鈴薯泥、洋蔥、番茄、豆類等等食材，再加上一啲酸酸甜甜既醬汁同香料，醬汁有啲似酸奶， 食落酸酸甜甜， 口感豐富， 非常非常之開胃， 令人食完一個又一個，停不下來。
Barbecue類我地叫左Chicken Malai tikka (10 pieces) $160。 由於佢嘅menu 冇中文冇英文冇圖， 所以我哋其實都唔知係咩黎，只可以叫佢介紹，佢就介紹左呢款。一上菜時我地都不抱期望， 仲有啲肉赤呢道菜價錢最貴，但一食落口，簡直充滿驚喜，唔好睇佢其貌不揚，睇落好乾好柴，一咬落口，juicy到你唔信，真係好嫩滑好嫩滑， 而且每一啖都係肉 ，外皮焦焦脆脆，碳香味好濃，仲食到啲類似忌廉既味道，好香滑，好可口。重點係， 即時食到後面，已經放涼左，但仍然覺得好好食。 佢配有檸檬同洋蔥幫助解膩，但佢好食到我唔覺得膩
另一道主食叫左Chicken Makhni (half) $128。 佢係巴基斯坦版既咖哩雞，但就同印度菜既butter chicken唔同，佢既醬汁唔算多，亦都無咁creamy同柔滑，香料味較濃。雖然openrice對呢道菜好多好評， 但我自己就覺得還好， 我都係鍾意印度菜嘅butter chicken多啲。雞肉方面，份量都算多，亦有比雞脾同雞翼等部位，但唔算好嫩，亦都有骨，上面chicken malai tikka既雞真係嫩滑好多好多。
食印巴菜點可以少得Naan，朋友好想食Cheese Naan，於是問店員有冇，佢猶豫左兩秒，之後話We can make it for you，呢下真係好加分，覺得佢地好體貼。個Cheese Naan ($52) 亦都真係好好食，奶油味好香， 煙煙韌韌，即使唔配醬汁都好食，配上咖哩汁就又係另一番滋味，但芝士味唔算好濃，如果芝士多啲會更加分。
飲品方面， 當然要試下Mango Lassi ($48)， 其實就係芒果乳酪。 杯嘢飲好大杯， 個杯好重手， 芒果味非常濃郁，酸酸甜甜，由於呢餐食左太多肉，又有Naan，呢杯Lassi實在錦上添花，太解膩了。
PS1 正如上面所講， 呢間餐廳嘅餐牌， 真係又冇中文冇英文又冇圖片，所以其實好輸蝕，亦好難吸引新客人，好希望有人幫佢地翻譯個餐牌，令到更多人知道同幫襯。但現階段大家可以睇下openrice既食評推介，或者去到叫店員推介，佢地推介既都好食
PS2 我哋一坐低，店員就比左枝樽裝水我地，我地仲擔心樽水係咪要收錢，因為餐牌上有，但最後我地因為太渴都係飲左，而最終樽水都係免費的，可能因為疫情原因，佢地先由斟水改為樽裝水
張貼
