牧羊少年咖啡館 (香港文化博物館)

營業中

休息中

今日放假，約咗朋友踩單車，踩單車前，友人帶我食返個靚早餐。餐廳裝潢設計有特式，文青風格，播放的音樂舒服。早餐時間，唔敢食太多，就order咗2個All Day Breakfast，最近差不多日日食All Day Breakfast，開始有啲厭倦😩，不過依家有啲唔同，佢哋仲有餐湯附送，佢哋個蘑菇湯都幾好飲，不過就唔夠熱，講返個早餐先，麻麻哋，尤其是兩條腸仔，好似未熟咁，腸皮都好難先咬得開，其他真係好一般，賣相係可以嘅，中間白色果碗就有啲似西米露，三文魚勁少，得2啖，賣相都一半，屋企整仲靚過佢。佢哋主打咖啡，就試吓啦，我本來想要mocha，一間主打咖啡嘅餐廳居然冇mocha，店員建議我+$24試吓佢哋嘅朱古力Latte，鍾意試新野，都冇所謂啦，試吓囉，結果不似預期，好似一杯牛奶，好少嘅朱古力味，好失望😦整體，除咗環境舒服，音樂好聽，店員服務態度可以之外，食物真的不值一提，平均每人$150 ，早餐來說，是比較貴的，試唔試你哋自己決定啦。