橙皮咖啡

營業中

休息中

喺火炭松頭下路有個商業中心，好多喺火炭工作嘅人都叫佢做玻璃屋，喺玻璃入邊原來都有好多美味嘅餐廳，今次我就揀咗一間叫做橙皮·咖啡嘅餐廳食午餐，依間餐廳好骨子，雖然鋪頭細細，但都有好多人嚟朝聖，入到餐廳服務員先叫我哋喺門口影低餐牌，再帶我哋去座位坐，一睇餐牌發覺有好多嘢食，有burger、pizza、飯及意粉類，喺眼花撩亂唔知揀咩嘢食之際，見到隔籬枱食個burger食到津津有味，於是都跟手嗌咗個手工牛肉芝士漢堡。落完單之後，服務員會幫我哋用酒精搓手液消毒雙手，好貼心嘅服務。手工牛肉芝士漢堡Burger size好大個，望落已經垂涎三尺，手工牛肉好Juice，鮮嫩嘅蔬菜，蕃茄加埋啲蕃茄醬汁，真係好好味，可以encore。