影片
更多
2018-11-09
311 瀏覽
知道左高鐵站開咗春水堂後，一直心思思想買番杯重拾喺台灣時飲過嘅味道。今日終於忍唔住去買左一杯嚟回味一下！ 春水堂嘅魅力就係，我一同同事講我今日會去春水堂，聽到嘅同事即刻舉手要搭單🙋🏻♀️🙋🏻♀️🙋🏻♂️😂下晝1:15去到春水堂，可能啲人未食完飯，冇乜人排隊！等左三個字左右就有得攞野飲喇！春水堂唔似得而家新興嘅台式飲品店會迎合香港人挑剔嘅口味可以揀少糖/半糖/微糖...對於冰量同甜度，佢都有佢自己嘅原則：甜度- 所有飲品只可以揀 少糖 或 無糖買左4杯飲品: 一杯熱鐵觀音奶茶 ($27) 少甜一杯凍胚芽奶茶加珍珠 ($27+$5) 少冰少甜兩杯凍珍珠奶茶 ($27 x2) 原味鐵觀音奶茶 少甜- 味道：茶味濃！👍🏻奶味就相對少啲。鐘意茶底濃嘅朋友會鐘意！少甜左依然好甜😅（喺其他台奶店，我飲開微甜，既然無得微甜，本想走甜，但店員唔建議我走甜。可能怕鐵觀音茶底得苦啩?)個人覺得，飲落其實同其他鐵觀音奶茶嘅味道好似差不多🙊🙈而另外三杯同事嘅評語係: - 細珍珠好正，好味，珍珠好咬口而唔太韌- 少左冰都好多冰，唔走啲冰應該半杯都係冰！有趣嘅係原味嗰兩杯，同事話啲冰溶左，味道就剛剛好，唔會好甜!原
春水堂嘅魅力就係，我一同同事講我今日會去春水堂，聽到嘅同事即刻舉手要搭單🙋🏻♀️🙋🏻♀️🙋🏻♂️😂
下晝1:15去到春水堂，可能啲人未食完飯，冇乜人排隊！等左三個字左右就有得攞野飲喇！
春水堂唔似得而家新興嘅台式飲品店會迎合香港人挑剔嘅口味可以揀少糖/半糖/微糖...
對於冰量同甜度，佢都有佢自己嘅原則：
甜度- 所有飲品只可以揀 少糖 或 無糖
買左4杯飲品:
一杯熱鐵觀音奶茶 ($27) 少甜
一杯凍胚芽奶茶加珍珠 ($27+$5) 少冰少甜
兩杯凍珍珠奶茶 ($27 x2) 原味
鐵觀音奶茶
$27
24 瀏覽
0 讚好
0 留言
鐵觀音奶茶 少甜-
味道：茶味濃！👍🏻奶味就相對少啲。鐘意茶底濃嘅朋友會鐘意！
少甜左依然好甜😅
（喺其他台奶店，我飲開微甜，既然無得微甜，本想走甜，但店員唔建議我走甜。可能怕鐵觀音茶底得苦啩?)
個人覺得，飲落其實同其他鐵觀音奶茶嘅味道好似差不多🙊🙈
而另外三杯同事嘅評語係:
- 細珍珠好正，好味，珍珠好咬口而唔太韌
- 少左冰都好多冰，唔走啲冰應該半杯都係冰！
有趣嘅係原味嗰兩杯，同事話啲冰溶左，味道就剛剛好，唔會好甜!
原來俾半杯冰你係有用意咖！😂
價錢: 算抵！其他台奶店，閒閒地都要成三十幾蚊，宜家$27就飲到一杯台奶，係幾抵嘅！
張貼
