影片
更多
2019-11-26
4537 瀏覽
年中總有幾次路過北角城市花園，遙望一樓大落地玻璃內燈火通明、食客笑語盈盈既景象，心諗近近地去試下都好喎。 適逢推出左珍寶巨型美食主題，岩哂最愛龍躉既我，一於收工同朋友黎開餐。晚市自助餐由6點半開始，計岩時間7點左右進場，食住等珍寶巨型美食登場。冷盤有大蜆、青口、藍青口、翡翠螺、蝦、長腳蟹同麵包蟹，種類繁多，新鮮乾淨，尤其欣賞長腳蟹夠哂嫩滑鮮甜。魚生有三文魚、吞拿魚、八爪魚、甜蝦等，我最愛既三文魚夠哂肥美有油香，忍唔住拎左幾轉。坐左一陣就推出左威靈頓牛柳，近入口處冇耐已經開始大排長龍，我都唔執輸拎左一份。雖然師傅已經切走頭尾，但以我觀察牛柳中段都仲保持嫩紅，但拎到尾水部分就全熟，所以雖然酥皮酥脆、牛柳尚算嫩滑，對食開五成熟既我黎講就唔太過癮，下次要提早出去拎先得。其實熟食區都有牛扒提供，內裡仲紅紅地，反而岩胃口d。說時遲那時快，食到咁上下又推出另一款珍寶巨型美食西班牙海鮮飯，唔想太飽就冇拎到。 但好欣賞每次有新野食都會有職員響鈴巡迴四周宣佈，客人絕對唔會錯失良機。 如果想快人一步既話，我統計到星期五晚19:00、19:10同19:15都有新野食，可以事先出門口等候食頭啖湯。最後一輪珍寶巨
晚市自助餐由6點半開始，計岩時間7點左右進場，食住等珍寶巨型美食登場。
冷盤有大蜆、青口、藍青口、翡翠螺、蝦、長腳蟹同麵包蟹，種類繁多，新鮮乾淨，尤其欣賞長腳蟹夠哂嫩滑鮮甜。
魚生有三文魚、吞拿魚、八爪魚、甜蝦等，我最愛既三文魚夠哂肥美有油香，忍唔住拎左幾轉。
坐左一陣就推出左威靈頓牛柳，近入口處冇耐已經開始大排長龍，我都唔執輸拎左一份。
雖然師傅已經切走頭尾，但以我觀察牛柳中段都仲保持嫩紅，但拎到尾水部分就全熟，所以雖然酥皮酥脆、牛柳尚算嫩滑，對食開五成熟既我黎講就唔太過癮，下次要提早出去拎先得。
其實熟食區都有牛扒提供，內裡仲紅紅地，反而岩胃口d。
說時遲那時快，食到咁上下又推出另一款珍寶巨型美食西班牙海鮮飯，唔想太飽就冇拎到。 但好欣賞每次有新野食都會有職員響鈴巡迴四周宣佈，客人絕對唔會錯失良機。 如果想快人一步既話，我統計到星期五晚19:00、19:10同19:15都有新野食，可以事先出門口等候食頭啖湯。
最後一輪珍寶巨型美食係19:15推出既大籠蒸龍躉。 平時食飯見有龍躉我都必叫，所以特意叫師傅俾多幾件，果然冇失望。 龍躉有返咁上下斤數，所以有魚味得黎好彈牙，魚皮啖啖骨膠原，大籠內亦蒸得岩岩好，好滑又有肉汁。 最意想不到係作為伴菜既菜心可能吸左魚汁，時間又控制得好，居然腍滑鮮美，想像唔到咁好食。
熟食講真選擇唔算多，行貴精不貴多路線，紅酒燴牛肉、酥炸生蠔、辣酒煮海螺等等都係有誠意既菜式。
海鮮類熟食以籠仔蒸帶子同清蒸鱸魚最為吸引眼球，要讚下大堆頭份量十足，蒸得嫩滑岩岩好，鮮味不過不失。
反而燒味有少少驚喜，炸子雞、豉油雞、叉燒呢d普通野都係為左飽肚而夾，估唔到叉燒真係甘香酥脆，甜香味美，必試。
燒烤方面，各款串燒同想像中差距不大，值得一讚羊架燒起新鮮熱辣，僅僅熟又有羊味，鐘意羊既一定會encore，屬全晚最高質既肉食。
湯品有沙參玉竹山斑魚排骨湯，燉湯將所有湯料精華鎖住，自助餐飲到啖老火湯真心感動，即時養顏青春哂。
甜品有埋爆谷同雞蛋仔實屬旱見，未算最脆口，過下口癮都合格啦。
重頭戲一定係多款口味既哈根大師，朱古力味同培茶味冇得輸，為今晚畫下圓滿句號。
張貼
