蛇王海

營業中

休息中

每年只開幾個月既蛇皇海，要食就要快喇 ﹗要食就要趁佢開檔食多啲喇 ﹗珍惜眼前蛇呀 ﹗出品非常好食，招乎都叫得做殷勤。只係環境較一般。太史五蛇湯，我既致愛 ﹗熱燙燙，飲完暖笠笠 ﹗味度濃郁、香甜，必飲 ﹗每次都要飲 ﹗叫個套餐有湯有羹又有飯，仲可以加大碼添，勁抵食 ﹗太史五蛇羹加大，平時例牌會用飯碗，加大就會轉用細湯碗。超足料，啖啖肉，木耳絲、瘦肉絲，味道好鮮甜，口感較厚，但還可以啦，略為杰左少少。加醋加糊椒粉同吃，非常醒胃，好美味呀 ﹗生炒臘味糯米飯，好味道 ﹗飯粒乾爽，嚥嚥靭靭，味道一流，好食 ﹗只係香味比較遜色。