丸·茶手作 (已結業)

當珍奶店開到成巷成市，個個爭梗最佳黑糖珍奶嘅時候，呢間丸．茶手作就聰明得多，自己行條新路出嚟。呢度有多款珍珠揀 (+$6)，唔加珍珠嘅話大部分茶都平過其他舖頭好多，但珍珠真係必必必加！今次試咗芋香奶茶+黑芝麻珍珠同埋鐵觀音奶茶+桂花珍珠。茶嚟講比較鍾意鐵觀音奶茶，因為茶味比較濃，真係飲得出係咩茶葉。而桂花珍珠有啲似酒釀丸子，丸子本身冇乜味，但側邊嘅桂花糖水就好清香，所以加呢款珍珠嘅時候要唸吓襯唔襯你款茶。而芋香奶茶味道都算濃，杰身飽肚少少，但就打到啲芋頭碎晒，食唔到肉有啲可惜。但黑芝麻珍珠真係超正！味道就同芝麻糕一樣，食得到黑芝麻粉。珍珠十分黏韌，形狀不一，證明唔係機製。