黑金堂 (已結業)

厚福街一向都係充滿好西食既地方，最近都開左唔少新店，而且成條街好多黃店，所以次次去親都好多人呀。黑金堂都係呢條街既人氣店之一，睇個名就知專賣黑糖珍珠。個人對黑糖珍珠其實唔太偏愛，但自從飲完花X茶X覺得好正之後，就周圍試黑糖珍珠鮮奶，去比拼一下。呢間店人氣原因之一應該因為佢係黃店之一。個日中午去到，都已經好多人等緊，就叫左佢招牌既黑糖珍珠奶茶試下啦。份量都幾大杯嫁，相比起隔離同樣高人氣既小黑糖，黑金堂既份量就大杯好多啦，價錢都係差唔多。不過叫左半糖，仍然都係非常甜。最大問題係D珍珠好硬，唔知因為多人幫襯唔夠時間煲定點啦，maybe平時唔係咁既。但D珍珠真係好硬，完全唔好食，加上杯奶茶又好甜。坦白講，最後都冇飲晒成杯。不過下次可以比機會試下佢其他非黑糖非奶茶既飲品既。