雲陽閣 (已搬遷) 新店位置

早排在某團購網站購買了「珍珠鮑魚午市套餐」套票，於是就在情深深，雨濛濛的日子，就去了雲陽閣享用了。由於套票指定要先訂位，所以到達後即時入座。眼見附近各檯都係食緊同一款食物，看來大家都是食緊呢個套餐了。食店的環境不錯，上菜快速，接待有禮，作為商務傾談或者家庭聚會都幾合適。先介紹一下食品風味二小碟 (麻辣珍珠鮑魚及豆素卷)講真，那碟野一上檯我已經表現十分驚訝！因為兩款菜式實在太細小了！不過味道不錯！辣辣地，醒胃之選。接著是小籠包及花素蒸餃。味道一般，不過不失。呢杯是紫貝天葵茶，雖然我唔知有乜功效，不過食食下野飲杯果汁，都幾好。炸鳳尾蝦伴素菜大碗麵碗就夠大碗，不過素菜麵就啖啖地，但都飽肚。而炸鳳尾蝦夠大隻，質感十足，只是味道不太突出。鮮奶凍是甜品，又凍又滑，不過不失。