茶樂 (已結業)

今日去完勝利道食完晏同朋友睇完貓仔狗仔之後，去聯合廣場睇衫，行完經過見有間珍珠奶茶店開張就買三杯，同屋企人分享。叫了一杯抹茶奶綠加珍珠微甜，熱手作珍珠奶茶(焦糖味), 凍珍珠奶茶。 我叫既係抹茶奶綠加珍珠($20+$4), 抹茶很濃， 同埋都幾肯定唔係啲cheap而得化學味既抹茶粉，一啲都唔孤寒，佢話啲珍珠係現場製作，味道很好，叫了微甜，真係唔甜，啱曬我怕甜既人。 朋友既焦糖手作珍珠都好正，唔會太un又香焦糖布丁既味道，奶茶夠香又唔淡。我地三個都幾滿意，都話下次會再幫襯呢！