Coffee Talks (已結業)

朋友帶左我嚟呢間位於旺角既coffee talks，順便溫書、傾project。環境相當舒服，尤其是我坐係梳化椅上。天花板用左木板假天花。啡色既傢具同灰色牆非常合襯。鍾意Egg Benedict既朋友萬萬不能錯過呢個廚師精選，名叫Egg Benedict Premium Beef Burger。呢個套餐除了漢堡本身之外，仲有炸薯條和意式沙津，分量可謂十分足夠。麵包外層輕脆內裡鬆軟。牛肉牛味香濃，仍然多汁。輕輕一𠝹，半熟既蛋黃慢慢流落牛肉同麵包。荷蘭汁口感鬆綿滑順，綜合味道非常棒。之後叫左特式拼盤大家一齊開心share，包括炸薯條，炸魚柳條，袖子雞翼，芝士條，三文魚同帞爾碼火腿。薯條同魚柳條即叫即炸，熱辣辣，外皮非常酥脆。餐廳非常用心，芒果乳酸沙冰上有一朵用芒果砌成既玫瑰，有別於一般餐廳賣相平平無奇嘅芒果沙冰。乳酸微甜，加上甜甜既芒果，令人精神抖擻。朋友叫左鮮奶咖啡，非常香滑。連牙簽筒都咁別緻，頂上印有拉花既圖案。