風月堂 洋菓子BAR (已結業)

香港人好多時都收工收得遲, 去到戲院睇戲通常都無咩時間再食晚餐, 只能急急趕趕隨便食漢堡包。今日去荷理活睇戲, 就揀左係售票處對面的風月堂洋菓子BAR填填肚。既然餐廳叫得「洋菓子BAR」，Waffle班戟自不然成為主打，翻一翻餐牌，班戟有甜有鹹；此外，仲有其他特製主食，如意粉、長通粉、意大利包等等。方便快捷。另一方面，亦提供好多款飲品，如UCC 虹吸咖啡、特飲、沙冰等等。 芝士煙雞肉班戟 先講班戟,見到店主熟練的手勢, 三兩下就整好餅皮，再加入芝士、煙雞肉、生菜及沙律汁就大功告成。整體而言，味道唔錯. 班戟薄而綿，富有蛋香，邊位香脆, 不過生菜加熱後會出水, 要快D食; 雞肉比得多, 加熱後的芝士可以拉絲, 拎上手勁有重量，捲起黎都有近成呎高，一個人食勁飽肚。 巴馬腿法蘭克福腸帕馬森芝士長通粉 雖然小店係快食為主, 但長通粉仍然煮得煙韌, 掛滿汁，白汁質感濃稠，內裡又有法蘭克福腸及巴馬火腿，咸香提味, 整體好食。 至於飲品則叫了凍檸茶和檸水, 下次再試試其他特色飲品!