班蘭葉印尼餐廳

營業中

休息中

今晚係銅鑼灣睇完戲之後，近近地揀左間印尼菜入去食晚飯，我被班蘭飯吸引左。餐牌好多選擇，有各式各樣既主菜、飯類、小食，連飲品都有好多款揀。最終我地揀左一款主菜、一款飯類、同一款小食，再叫左兩杯飲品。主菜係印尼秘製汁燒魷魚，原隻魷魚上，好開心，尚算入味好咬。飯類係燒雞班蘭尖塔飯，燒雞都幾大件，皮薄多肉，唔會好乾，尚算嫩滑。班蘭尖塔飯賣相好靚，食得出東南亞風味，帶淡淡既班蘭香。小食係羊肉沙嗲，羊肉尚算軟嫩，醬汁偏辣。青檸梳打好清爽，欣賞佢俾客人自己落梳打水，好夠氣。芒果沙冰超大杯，味道偏甜。