影片
更多
2013-10-06
193 瀏覽
被維園個大觀園吸引了，要跨區一睹變色環保大地球既魅力。咁岩有大坑舞火龍，所以決定黎試下d餐廳。見到餐廳內布個大吊燈，有火車站既圖片，而且條隊又唔算長，所以決定考驗耐性排下先，點知一等就四十分鐘有多，因為餐廳面積都細....軟殼蟹春卷當然用軟殼蟹可以豐富到口感既層次，原意有外米紙軟內炸軟殼蟹脆既感覺。但實際個軟殼蟹炸定架啦一定，唔熱，軟o 西。入面包左粉絲、紅蘿蔔絲，生菜等，但蟹好細，所以食落都幾寡咁架。豬扒撈檬豬扒有強烈香茅香料味，食落肉質夠鬆軟。檬粉實但唔彈牙，醋料整得幾好，醒胃。牛油雞翼熱度十足，新鮮炸起，所以食落唔覺粉漿厚膩口既問題。但牛油味欠奉，味道靠旁邊個D有椒鹽味既蒜片/紅蔥頭帶出，所以食既時候係一定要夾住D蒜片/紅蔥頭一齊食架：）鮮茄牛腩湯河上桌子見到咁紅而且又係招牌貨，一定好茄啦個味。點知飲一啖，又同想像既有出入，佢只係面頭加左堆蕃茄醬，食落個湯其實茄味唔重，但有味精味既甜，不過D牛腩真係好稔，可能係因為佢係有筋有膜既牛腩!河粉太油太軟，稔到夾起都有難度，expect挺身少少。其實除左去維園同睇舞火龍之外，o係呢間餐廳既經歷同體驗都足夠我地笑一餐，真係好mcdull。我
咁岩有大坑舞火龍，所以決定黎試下d餐廳。
見到餐廳內布個大吊燈，有火車站既圖片，而且條隊又唔算長，
所以決定考驗耐性排下先，點知一等就四十分鐘有多，因為餐廳面積都細....
軟殼蟹春卷當然用軟殼蟹可以豐富到口感既層次，原意有外米紙軟內炸軟殼蟹脆既感覺。
但實際個軟殼蟹炸定架啦一定，唔熱，軟o 西。
入面包左粉絲、紅蘿蔔絲，生菜等，但蟹好細，所以食落都幾寡咁架。
豬扒撈檬豬扒有強烈香茅香料味，食落肉質夠鬆軟。
檬粉實但唔彈牙，醋料整得幾好，醒胃。
牛油雞翼熱度十足，新鮮炸起，所以食落唔覺粉漿厚膩口既問題。
但牛油味欠奉，味道靠旁邊個D有椒鹽味既蒜片/紅蔥頭帶出，
所以食既時候係一定要夾住D蒜片/紅蔥頭一齊食架：）
鮮茄牛腩湯河上桌子見到咁紅而且又係招牌貨，一定好茄啦個味。
點知飲一啖，又同想像既有出入，
佢只係面頭加左堆蕃茄醬，食落個湯其實茄味唔重，但有味精味既甜，
不過D牛腩真係好稔，可能係因為佢係有筋有膜既牛腩!
河粉太油太軟，稔到夾起都有難度，expect挺身少少。
其實除左去維園同睇舞火龍之外，o係呢間餐廳既經歷同體驗都足夠我地笑一餐，真係好mcdull。
我地：唔該飛天炒通菜
店員：通菜賣o西，無通菜
我地：一杯龍眼冰
店員：龍眼無o西
我地：又無咁要紅豆冰
店員：紅豆都無，不如我俾杯涼粉珍多冰你
(隨後聽到隔離既客人全部都只可叫青檸梳打)
真係無試過去一間餐廳想要既都無LOL
張貼
