下江南

營業中

休息中

以為故宮只係博物館，點知原來隱藏了一間現代與古代Mix and match嘅宮廷菜餐廳，加上今天天氣好，食咗個下午茶餐。因為未去過故宮，由九龍站行出去，有點兒遙遠，不過一路經過草地地方，加上秋天，感覺不錯。餐廳集合現代及古代的元素，加上落地玻璃，向海，整個飲食經驗非常舒服。本來想點下午茶餐，因為本人不太喜愛甜食，所以與朋友點咗兩個套餐，非常豐富。每個套餐有一碗特色宮廷宴，或者飯，每個餐可以點兩個特色小食，我哋另外再叫一個小籠包，同埋特色包 （古代名字十分特別，但原來係鹹嘅壽包）。 小食叫了醉雞，四起烤夫，夫妻肺片，四起菜，全部非常特色，入味，份量剛剛好。我哋叫咗烤鴨麵，同飯，烤鴨唔乾，入味，味道特別，跟飯或者麵合在一起，剛剛好。而佢嘅小籠包超級多汁，好味，而佢嘅壽包入邊有鹹嘅肉餡，感覺新鮮特別。當日不太多人，座位寬敞，上菜快，夠熱，員工都係親切款待！