吃茶三千 (希慎廣場)

營業中

休息中

久唔久都會去係港九新界都有分店嘅吃茶三千買茶飲🧋佢哋嘅茶底幾講究，會用上玉露青茶、鳳眉紅茶、凍頂烏龍等得獎茶葉🌱茶葉係製作飲品時即場現萃，可以萃取茶葉最精華嘅香味👍🏻佢哋周不時亦會推出以時令水果做主題嘅飲品，好似水蜜桃、菠蘿等，比較有新鮮感。好欣賞佢哋用麻繩套住飲品嘅設計，可以抽住麻繩手抽飲品，好方便👏🏻今次去到希慎廣場分店，原來店舖後面有個超大嘅半室外area😍😍有枱有櫈，可以舒舒服服地歎嘢飲🥳🍵水仙桂花蜜 $33水仙桂花茶好清新，加入百花香蜜🍯清香之中帶點蜜香，仲多咗一種滋潤感覺😚🥭松針芒果茶 (+椰果) $33松針茶係綠茶嘅一種，製茶時加入茉莉花，令茶底飲起上嚟不但有茶嘅清香，亦帶有微微嘅花香🌼清新淡雅嘅茶底加上酸酸甜甜嘅芒果，係踏入10月依然熱辣辣嘅天氣飲就啱晒😽另外仲加咗椰果增添口感，同茶底好夾。推介指數（10分為滿分）：7.5分