品川日本料理 (已結業)

琴日同朋友去荃灣品川幫襯， 之前有朋友食過覺得唔錯所以專登去試下， 起初見到有咁多負評都覺得驚驚哋，但坐低後待應十分有禮講解用餐時間， 之後當然係第一時間點嘢食啦， 第一轉當然係食刺身先啦 ，三文魚及甜蝦、帶子呢啲係必食之選， 佢哋嘅刺身非常新鮮， 啲生蠔亦都十分唔錯，我同朋友兩個起碼食咗12隻， 之後再點羊架及燒物完全係水準之上， 淨係食刺身、生蠔、羊架已經回本， 佢哋上菜速度非常快，落單幾分鐘啲刺身及生蠔已經到枱值得一讚， 最後食埋雪糕成個人飽曬，呢間放題完全值得再回頭幫襯。